egitaraua

Udaletako euskara-zerbitzuen topaketak

"Familia Bidezko Euskararen Jarraipena Oarsoaldean: arian ekin, ekinean ari.”

Joxe Luix Agirretxe

2002-2003an egitasmoa birkokatzeko prozesua.
Ondorio nagusia, helburuek lorgarri eta familia tipologia bakoitzari egokituak izan behar zutela.
Helburuak lortzeko ekintza parrilla bat diseinatu genuen. Baliabideak mugatuak izanik, denera ezingo ginela iritsi ondorioztatu genuen.
Fokoa bikote euskaldunen bikote-hizkuntzan jartzea erabaki genuen familia-hizkuntza euskara izateko helburuz.
Eskaintza berria; bikote euskaldunei hizkuntza ohiturak aldatzen laguntzeko tailerrak. Guraso erdaldunei euskara ikasteko eskolak.
Bikote euskaldunen aldetik harrera eskasa. Ez zen talderik sortzea lortzen. Zailtasun objektibo batzuk zeudela ohartuta geunden.
Ondorioz, sentsibilizazioaren beharraz ohartu ginen.
Helburua bikote euskaldunak euren hizkuntza jokabideaz eta honen ondorioez ohartaraztea da.
2006-2007an, clown saio laburrak gelakako bileretan, DVDaren banaketa eta irratiaren erabilera hartu genituen ardatz.
Publizitate etxe baten aholkularitzarekin ari gara lanean. Mezu berari urte batzuetan eutsi beharra da.
2008-09ko berrikuntza: “Kontaidazu ipuin bat”. Guraso, aiton-amona eta izeba-osabei ipuin labur bat sortu eta guri helarazteko gonbita egin diegu.
Kuadrillategi familia bidezko jarraipenaren barnean kokatua dugu. Gazteen artean euskarazko ohiturak sortzea da helburua, gero bikoteak sortzen direnerako euskarak bikote-hizkuntza izateko aukera gehiago izan ditzan.